Category: Productions – Kalaallisut

Tamanut akeqanngillat

Alexander Montgomery-Andersen (Workshops)

• Atuarfik Hans Lynge
• Nuummi Inuusuttut Siuarsartut

Monica Johnsen (Workshops)

• Nuuk International Friskole
• Nuummi Inuusuttut siuarsartut
• Nunattai Isiginnaartitsisarfia
• Nuummi inuusuttunut Hip Hop Workshopsinik ammaaneq
• Nuummi inuusuttunut House Workshopsinik ammaaneq
• Nuummi inuusuttunut Wacking Workshopsinik ammaaneq

COMMUNITY / OUTREACH / TESTIMONIALS

Nete Lyberth Lind

“Dansen er for mig, det øjeblik hvor jeg føler at jeg lever. Det er det øjeblik hvor jeg som menneske kan ånde frit. Det er det øjeblik jeg er skabt til at leve i.”

Hans Henrik Poulsen

“Qitittarneq aallarteriarlugu unitsiinnagassaanngilaq, alliartortitassaavoq naasutut sikkeriartuaartillugu imertertagassaalluni. Uannut qitittarneq kiffaanngissusermik tunisisuuvoq, qularinngilaralu siunissami attattuaannarumaarlugu”

Lena Olsen

“Nalunngittuaarnarnikuunngilara sunarpiaq anguniarnerlugu, kisianni tarnikkut malugisinnaasarsimallugu suli annerusumik piumasaqarlunga. Ukiut arlallit misilittaasaqattaareernerup kingorna kiisami sammerusutara nanigakku, kingut qiviarama, aqqutigisimasakka tamaqqinnaat ajuusaarutiginngilakka, ullumikkummi sumiiffinnut anngutsissimagaminnga.”

Maliina Jensen

“Dancing has worked me to the extremes of exhilaration and exhaustion. It has given me anxiety and soothed me from it. Dance has asked me to define my individuality and to redefine my notions of beauty. It has made me aware of my ego and the complexities of having one.”

“Dans har arbejdet mig til ekstremer af udmattelse, og lykke. Dans har givet mig angst, og beroliget mig fra det. Dans har bedt mig definere min individualitet, og omdefinere mine forestillinger om hvad æstetik kan rumme. Dans har gjort mig opmærksom på mit ego og kompleksiteten i at have et.”

“Qitinnerup pilluarnerujussuarmut qasunerujussuarmullu pisittarpaanga. Qitinnerup annilaanerujussuarmut pisittarpaanga eqqissisartarlungalu. Qitinnerup piumaffigisarpaanga kinaassusera paasiniaqqullugu taavalu paasisimareersorisakka paasiniaqqeqqullugit. Qitinnerup maluginiartilersimavaanga uangaassusera qanoq innersoq, qanorlu imaannaanngitsuutiginersoq uangaassuseqarluni.”

Kristian Mølgaard

“Det er en stor gave at have uddannede lærere i dans og skuespil, fordi de lærer dig også om livet og udruster dig med gode egenskaber som gavner dig som kunstner og som person.”

Ida Kleist

“Music keeps me motivated, ambitious and creative.
Art gives me space to express myself. 
Most importantly dancing is who I am; it helps to develop the person I am meant to be. 
I believe that every dream can be realized if you put your heart into it.”

“Musik er min motivation. Det gør mig ambitiøs og kreativ. 
Forskellige kunstarter giver mig rum til at ud trykke mit indre. 
Men dans er mit hjertebarn, det udvikler mit indre jeg. 
Jeg tror på at en hver drøm kan gå i opfyldelse hvis du har hjertet med dig.”

“Nipilersuut  kajumissaatigaara.  Angusaqarluartsitserusulertarpaanga nutaaliorsinnaatillungalu.
Eqqumiitsuliorneq/Nutaaliorneq qamaniittutinnik aniatitsinissamut inissanitsitsisarpoq. 
Qitinneq ilisarnaatigaara, inuttut ineriartortippaanga siunissaralu titartarlugu. 
Uanga upperivara kissaatit suulluunniit uummateqarfigigukkit piviusunngortinneqarsinnaasut.”

Siri Paulsen

“Back in 2008 I thought I was going to study history of literature or religion, then I got me into theatre. How can anyone do anything else?
“If music be the food of love, play on!””

Alexander Montgomery-Andersen

“Dance is a language, except you can express anything without saying a single word”

“Dans er et sprog, hvor du kan udtrykke dig uden at sige et eneste ord”

“Qitinneq oqaatsiuvoq, kisianni sunaluunniit saqqummersinnaavat ataatsimilluunniit oqaaseqartariaqarnatit”

Reproductive Choice. Researcher 2013 apriili – 2014 juuni

“Kinguaassiornissamik toqqagaqarneq” tassaavoq kalaallit naartunermik aamma naartunaveersaatinik paasinnittaasiat, ilisimasaat misilittagaallu pillugit ukiuni pingasuni ilisimatusarnikkut misissuineq. Misissuineq Kalaallit Nunaata avannaarpiaani Kullorsuarmi aallartippoq. Arnat angutillu 15-iniit 49-nut ukiullit peqataaffigaat.

“Kinguaassiornissamik toqqagaqarneq” nunat tamalaat akornanni suliassaqarfiit akimorlugit ilisimatusarneruvoq aamma suliniutaavoq inuiaqatigiinnik (CBPR) peqataaffigineqartoq kiisalu suliffeqarfinnit makkunannga:

Ilisimatusarfik, Peqqissutsimut Ataatsimiititaliaq, sumiiffinni Peqqinnissaqarfiit Kalaallit Nunaanni inuiaqatigiinni suleqataasut, USA-mi naalagaaffimmi Indianami universiteti, Kinsey Institutsi aamma Montana State University. “Kinguaassiornissamik toqqagaqarneq” misissuineruvoq pingasunik pingaarnertut qulequtaqartoq:

Imm. 1 Ilaqutariinni meerartaartoqassatillugu inuit ataasiakkaat isummiussaat paasisimasaallu misissorneqarput taamatullu meerartaartoqassatillugu kalaallit arnat angutillu inooqatigiinnermi, piorsarsimassutsikkut aamma avatangiisit pillugit annermik sunniuteqarfigissallugit toqqartagaat paasiniarneqarlutik.

Imm. 2 Tassani paasiniarneqarpoq avatangiisit, pissusilersuutit kiisalu sananeqaatit naartunaveersaatinik atuinermut taakkualu pitsaassusaannut immaqalu tamakkunannga atuinnginmermut sunniuteqarnersut.

Imm. 3 Kalaallit arnat angutillu kinguaassiornissamut periarfissanik ilisimasaminnik, isummiussaminnik paasinnittaatsiminnillu oqaluttuartarnerisa ilusaannik, ineriartornerannik pilersitaannillu paasiniaaneq.

LINK: Under construction

Inuulluataarneq. 2009-mit 2013-imut suliniummik ingerlatsisoq

Inuulluataarneq siunertaqarpoq aseruuttoornerit kinguaassiutitigut tunillaassuuttut pinaveersaartinneqarnerannik ineriartortitsineq, atuutsitsineq, naliliineq aamma paasisitsiineq ingerlatissallugit. Inuusuttut 15-iniit 19-inut ukiullit taakkualu angajoqqaavi sunnerniarneqarput. Inuulluataarneq suliassaqarfiit akimorlugit nunat tamalaat akornanni suleqatigiilluni suliniutaavoq, Community Baseret Participatory Research (CBPR) inuiaqatigiinnik peqataatitsineq aallaavigalugu suliniut ilisimatusartut ilinniartullu nunanit USA, Canada, Danmark aamma Nunarput peqataasoralugit.

Inuulluataarneq Uummannami Paamiunilu atuutsinneqarput. Ilisimatusartunik aqutsisoq tassaalluni Elizabeth Rink, MSU – Montana State University.

Inuulluataarneq, The National Science Foundationimit (Nummer 090851) aningaasatigut tapersersorneqarpoq. Suliniut Inuulluataarneq 2010-mi NSF-imit aamma Namminersorlutik Oqartussanit immikkut aningaasaliffigineqarpoq kalaallit ilinniartut suliniummik ingerlatsinissamik paasissutissiinermillu ilinniaqqinnerannut atugassatut.

LINK: Inuulluataarneq

HIA (Health Impact Assessment) tassaavoq peqqissutsimut sunniutaasinnaasut pillugit nalunaarusiaq naliliinerlu. Nalunaarusiami taamaattumi inuiaqatigiinni peqqissutsimit ilisimasat atorneqartarput ilisimasarlu taanna aallaavigalugu inuiaqatigiinnut naleqqussakkanik suliniutinillu isumaginninnikkut aallartitsisoqartarluni. HIA-mi paasissutissat pingaarutillit tunngavissallillu katersorneqartarput, suliassaqarfimmit ilisimasat aallaavigalugit inatsisiliortunut politikerinullu innersuussinerni atorneqarsinnaasut. HIA-mik nalunaarusiaq atorlugu politikerit najugaqarfinni peqqissuseq paasisaqarfigisinnaavaat, najugaqarfinni peqqissutsip ilorrisimaarnerullu pitsanngorsarnissaanut illersornissaanullu aalajangiinissanut tunngavissaqarnerullutik.

2013. Konsultation for PKN Hospital – Lagos, Nigeria

Paasissutissat allat kingusinnerusukkut ivertinneqarumaarput.

2007-2009. Kalaallit Nunaanni Kinguaassiutitigut peqqissutsimik misissuineq – Nuuk aamma Sisimiut, Kalaallit Nunaat.

Kalaallit Nunaanni Kinguaassiutitigut peqqissutsimik misissuinikkut anguniarneqarpoq kalaallit arnat angutillu 15-iniit 65-inut ukiullit akornanni kinguaassiutikkut atoqatigiinnermit aseruuttoornerit tunillaattartut suussusersinissaat tuniluunnerilu siulittuutiginissaat. Angutit arnallu sananeqaataannik taamatullu arnat illiaanit misissugassanik katersisoqarpoq. Katersat klamydiaqarnersut, goneré, mycoplasma genitalium, trichomonas vaginalis taamatullu bakteriel vaginoseqarnersut misissorneqarlutik.

Link: Greenland Sexual Health study (pdf)

2006. Ilaqutariinnut atugarliortunut suliniut “Naartusut piaartumik ikiorserneqarnerat”

Namminersorlutik Oqartussat ataanni inissisimasup Peqqissutsimut Naalakkersuisoqarfiup kissaatigaa, ilaqutariit meerartaartussat immikkut ittumik pisariaqartitsisut ikiorserneqarnerisa nukittorsarneqarnissaa. Tamatumani pineqarpoq meeqqap sumiginnarneqarsinnaaneranik aarlerinaateqartillugu. Anguniarneqarpoq Kalaallit Nunaanni inuiaqatigiinni piorsarsimassutsimut naleqquttumik pilersaarummik ingerlatsinissaq ilaqutariinnut meerartaassaminnut/naalungiarsuutitaaminnut paaqqutarinninnissaminnut ikiorneqarnissamik pisariaqartitsisunut. Pilersaarusiaq 2007-imi aallartinneqarpoq 2012-imi nalilersorneqarluni. Ingerlanneqartoq ilaqutarinnut meeqqanullu peqqissaanermik ataavartumik ingerlatsinermut ilaavoq Namminersorlutik Oqartussanit aallartinneqartoq.

Link: Tidlig indsats overfor gravide

Ukiut kingulliit qulit iluini, Ruth Montgomery-Andersen Qiajuk Production peqatigalugu, arlalialunnik isiginnaagassialiortarsimapput. Isiginnaagassialiaminni nunatsinni piorsarsimassutsikkut pissutsit ilaqutariinnilu inuunermut isiginneriaasaasinnasut pisariaqarsinnaasut aallaavigisarsimavaat, nunatsinnilu juumooqarneq kiisalu kinguaassiutitigut atornerlugaasimasunik sullissisunut saaffiginnittunik sullissinermi atugassianik ilinniusiortarsimallutik. Isiginnaagassiortartutut ilitsersuisutullu Ruthip isiginnaagassiarisimavaa “The Meeting” (“Naapinneq”)

2012. Inuulluataarneq Vignetter. Inuulluataarnermik qulequtserlugu ilisimatusarnikkut pilersaarusiorlugu ingerlassami ingerlatsisuusimavoq National Science Foundationimit juni 2009-mi aningaasaliiffigineqartumit (Award No. 0908151), ilinniartunuunerusoq, piginnaanngorsarnissamut Inuulluataarnerullu qaammarsaatiginissaanut atugassat. Pingaarnertut tassani inisseqasuusimavoq Dr. Elizabeth Rink, MSU-Montana State University-aneersoq. Vignettes

2010. The Meeting.  Pisortaallunilu ingerlatsisuusimavoq isiginnaagassiami piviusulersaarummi ”The Meeting”-mi.  (”Naapinneq”) Qernertormiut arnartaasa isiginnaagassiornikkut festivaleqarnerani Oaklandimi 2010-mi takutinneqartumi, Film Festivaleqarneranilu San Diegomi taamattaaq takutinneqarpoq, 60 N-mi, Os Norge-mi kiisalu Inuit Studies Conference Film Festivalertoqarnerani takutinneqartumi.

Qanuqtuurni (videokkut isiginnaagassiaaraq). ”At finde balancen” (”Imminut nassaarineq”) Qanuqtuurni (videokkut takusassiaaraq). Inuit peqqinnissakkut qaammarsaavigineqarneranni nukissatigut TV-kkut toqqaannartukkut nangeqattaartuliaq. Naatsukkaanik takusassialiaq. Majip aqqaneq-aappaat 2009. Siunnersortaallunilu ingerlatsisuuvoq Circumpolarimi Inuit Peqqissutsikkut atugaannik takusassialiami.

2009. Nuummioq Kalaallit-Nunaanni isiginnaagassialiat siullersaanni sivisunersaannilu suliarineqarnerani peqataaneq. Sundance Festivaleqarnerani 2010-mi takutinneqartoq kiisalu Palm Spring´s Film Festivalertoqarnerani 2011-mi isiginnaartitsisartutsialattut toqqagaaffigineqartumi. Nuummioq (Isiginnaagassialiaq).

2009. Ajortoq Toqqortaq Immikk. Aappaat. Piviusulersaarummi pilersitseqataaneq inersimasunik atuartitsinermi atugassiaq. Immikk. aappat kinguaassiutitigut meeraanermi atornerlugaasimanerup kingunipilui inersimasunngornermi nammatat.

2006. The Raven’s Call (Tulukkap qarlornera) NAPA-p qitik tunngavigalugu isiginnaarutitigut isiginnaagassiaanik pisortaaffiginninneq “The Raven’s Call” – mik (Video takusassiaaraq).

2005. Ajortoq Toqqortaq Immikk. siulleq  Isiginnaagassiamik piviusulersaarummik pilersitseqataaginnarani, kinguaassiutitigut meeraanermi atornerlunneqarsimasunik kikkunnulluunniit sullissisunut sakkutut najoqqutassiassatullu naatsorsuussanngorlugu isiginnaagassianngorlugu suliarineqarsimasumi, suleqataasimaneq.

2003. Birth on Human Terms/ At Skabe en Fremtid/ Ilaqutaarinngorneq
Pilersitseqataasimaneq. Isiginnaagassiaq piviusulersaarut ilaqutariittut kalaallini inuiaqatigiinni pissutsit nikerartut allannguutillu takussutissiissutigalugit suliaq.

Ruth Montgomery-Andersen, sisamanik ukioqarluni qitinnermik sungiusarnini aallartippaa. Balletsimik Modern Dancemillu ilinniagaqarpoq qitittartut qitinnermillu ilinniartitsisut soorlu Lucille Wheaton, Ygor Youskevitch, Merce Cunningham, Alvin Ailey, Kathryn Ricketts aamma Mary Overlie peqatigisarsimallugit. Ruthip, The San Antonio Symphony Orchestrap aaqqissuussaa “Corpse de Ballet” peqataaffigaa, kingorna Alvin Ailey Dance Theaterimi ilaalerami TV-ikkut aallakaatitassiaq “Memoria” peqataaffigalugu.

Ruthip aningaasarsiutigalugu qitittartutut inuussutissarsiornini naggataarlugu 2003-mi “Crossroads” peqataaffigaa, Indra Lorentzen, The Norwegian Royal Balletsimeersoq eqqumiitsuliornikkut ilitsersuisoralugu.

1993-imi Ruth Montgomeryp qititassiuussineq aallunnerulerpaa. Qitinnermik isiginnaagassiai Japanimi, Danmark, USA, Canadami Savalimmiunilu taamatullu Alaskami Nunatsinnilu takutinneqartarput. Ruthip Modern Dancemik qititassianit atisanik takutitsinerit qititassiuuttarpai. Ruthip ilinniarsimasunik suleqateqarneq nuannareqaa taamaattoq meeqqat inuusuttullu suleqatigalugit nuannarinerusarpaa. Ruthi tamatigoortuuvoq nipilersortartunik eqqumiitsuliortunik allanillu saqqummersitsinerni pikialaartitsinernilu suleqateqartartoq.

2014 Mikiseq. Qititassiuussisoq: Ruth Montgomery-Andersen; Nipilersuusiortoq: Benjamin Mørk; Tunuliaqutalerisoq: Siri Langdalen; Tunuliaqutalerisumut ikiorti: Camilla Nielsen; Ilitsersuisoq ilusilersuisoq: Svenn B. Syrin

Mikiseq tassaavoq ilaqutariinni imigassamik atornerluinermik nakuusernermillu ajornartorsiutilinni ilaqutaasullu akornanni imminut toqunnermik eqqugaasimasuni alliartornermik oqaluttuaq. Mikiseq imaannaanngitsumik peroriartorsimagaluarluni aniguilluarsimavoq ilinniarluarnissamut nukissaqarsinnaasimasoq ullumikkullu  piginnaaneqarluarluni Kalaallit Nunaanni inuiaqatigiinni ajunngitsumik inuuneqarluni tapertaalluartoq.

Mikisip oqaluttuarnerani immiussaatigineqartoq atorlugu oqaluttuaq qitinneq aallaavigalugu oqaluttuarineqarpoq. Oqaluttuaq kalaallisut, qallunaatut tuluttullu immiunneqarpoq taamaaliornikkut isiginnaagassiamik angallassisinnaaneq periarfissinneqarluni. Mikiseq takuteqqaarneqarpoq Kulturip Illorsuani Katuami, apriilip aappaanni 2014, apriilillu ingerlanerani qitinnermik isiginnaagassiaq Kalaallit Nunaanni inoqarfinni allani takutinneqarluni. Mikiseq.